呢位小朋友, 非常乖同勇敢.🥰👍🏼💪🏼
早一兩星期發現佢下面有隻恆齒生出來, 一直不以為言, 因為屋企大人同家姐都係恆齒生出, 慢慢乳齒鬆脫的.
點知日日等, 前面嗰隻郁都唔郁吓, 好堅定, 而後面恆齒開始越生越大, 仲要唔啱位, 開始擔心.
於是安排牙齒檢查, 照X光先知隔離嗰隻都生緊出來, 都係唔啱位. 醫生話如果正常情況, 恆齒生正喺乳齒後面, 就會慢慢推郁前面乳齒脫落, 但如果生唔正位 (如圖), 就推唔郁前面牙齒, 如果一路唔理, 最尾會變成兩排牙.
於是醫生就幫妹妹一次過拔掉兩隻乳齒, 妹妹非常驚, 但一直張開口, 脫牙後咬住綿花止血離開前都仲講Bye Bye 醫生. 係出到門口見到二哥同工人姐姐先爆喊 (我地人強馬壯, 幾個人陪妹妹睇牙齒).
回到家, 食完雪糕, 開心番. 問佢脫咗牙, 可以獎佢一樣嘢, 佢諗一諗, 答: “我今晚想同家姐瞓！” 真係sweet 到爆~~🥰🥰
#原來乳齒唔一定自然甩㗎
#多謝牙醫叔叔
#五歲一個月
Search